SUPERBALITA CEBU

Rabacal: Pulitika sa kapitolyo

Pakabana

GIDID-AN sa Cebu Provincial Board si Bise Gobernador Junjun Davide nga maka-apil sa deliberasyon ug pag-sponsor og resolusyon. Mao kini ang bag-ong house rules nga gi-aprobahan sa mayoriya sa mga bokal. Wala usab siyay kumitiba. Kausaban kini sa house rules sa Davide administration. Dinhi lamang sa Cebu Provincial Board diin ang usa ka presiding officer dili maka-apil sa deliberation panahon sa session ug dili usab maka-pangamahan og resolusyon. Walay mahimo si Davide kay gipasar kini sa mayoriya. Mahimo tingali nga isang-at ang iyang reklamo sa Department of Interior and Local Government (DILG) o kaha sa hukmanan. Apan sa pagka-karon way laing mahimo si Davide kon dili moduko ug magpa-awot na lang.

•••

Sa Cebu City hall, may reklamo ang akong nadawat nga adunay mga tawo nga suod sa mayor nga angayang badlongon kay nakahatag og kagubot. Mireklamo gani si Konsehal Niña Mabatid nga dunay buot manlawgaw sa mass wedding nga gipasi-ugdahan sa city hall. Nasayran nga asawa sa dakung opisyal sa siyudad ang mihimo niini. Diha usay mireklamo nga gitudlo og usa ka posisyon apan gi-ilisdan siya human makatrabaho og duha ka semana. Mireklamo usab ang ubang barangay kapitan nga, sumala pa, kinahanglang personal gayud nga mo-adto ug maghuwat sa city hall kon duna silay buot pasudlon og trabaho.

Masabut man nako nga wa pa mahan-ay pag-ayo ang sistema diha sa city hall apan kinahanglang badlungon kining maghari-hari nga mga tawo sa mayor. Ako silang hangyu-on nga tabangan ang mayor aron mama-ayo ang iyang pagpadagan sa city hall ug dili abusohan ang iyang kaayong tawo. Angayang mahibaw-an sa tanan nga bisan og dili pareha si Mayor Labella ka-istrikto kang kanhi mayor Tomas Osmeña apan maantigo usab siya musilot sa mga tawo nga makasala.

•••

Gikiha si Mayor Ahong Chan sa usa ka Leo Mercado. Wa ko kasiguro kon mao ba kini ang kanhi konsehal kang kinsang asawa napildi ni Chan sa paglansar niini og kapitan sa Bgy. Pajo. Kon ang pagtudlo ni Chan og city legal officer nga dili molupyo sa Lapu-Lapu City ang isyu mahimo ra man unta tingali nga ipasaka kini sa DILG ug dili na lang i-apil og kiha si Mayor Chan. Gidudahan man gud nga pamulitika kini.

•••

Wa maka-uyon si Gob. Gwen Garcia, Cebu City Mayor Labella, Lapu-Lapu City Mayor Chan ug ubang mga opisyal sa Sugbo sa way klarong assessment sa ilang pagtuman sa kasugoan ni Presidente Duterte sa paghawan sa kadalanan ug asiras. Sumala nila nga dihang mi-inspeksiyon sa Sugbo si DILG Undersecretary Epimaco Densing natagbaw kini sa binuhatan sa mga opisyal dinhi. Apan sa dihang mi-report na ang Cebu DILG medium completion rate na lang ang gigrado niini. Ang naandan man gud sa mga tinugyanan mao ang pagbantay sa sayop. Naay mga traffic enforcer nga motago aron makadakop og malapason inay magpakita ug mo-direct sa traffic aron dili unta magkagubot ang dalan. Giyahan unta sa DILG ang LGU kon asa ang limpiyuhan inay maghuwat lang ug mangita dayon og kasaypanan. (mannyrabacal1144@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph