SUPERBALITA CEBU

Barrita: Ilibkas ang pork ban

Tikdul-tikdol

NIMANDO ang Department of the Interior and Local Government (DILG) sa tanang mga local government units (LGUs) nga tugotan ang pagbaligya sa mga processed pork meat products ubos sa pipila ka mga konjdisyones.

Ang advisory sa DILG niadtong Oktubre 16, 2019, nag-ingon nga ang tanang mga gobernador ug mayor sa mga syudad ug kalungsoran, nga barangay kapitan, kinahanglan nga motuman sa tanang lagda sa “movement, distribution, and sale of processed meat products in the country.” Ang tumong sa maong memorandun mao ang pagpanalipod sa tanang nalambigit sa meat industry gikan sa pagbalda sa ilang negusyo.

•••

Si DILG Secretary Eduardo Año niingon nga ang gobyerno nangusog sa pagtubag sa suliran sa African swine fever (ASF) outbreak. Apan ilang giawhag ang mga LGUs sa paglibkas sa ban sa processed meat products nga adunay pork kun baboy basta nakatuman sa regulasyon sa Department of Agriculture (DA).

Ang Philippine Association of Meat Processors Inc. (PAMPI) na nang namahayag nga hayan way Christmans ham sa Sugbo ug sa ubang mga lalawigan nga istriktong nipatuman sa pork ban tungod sa ASF.

Kita nga ganahan unta sa ham and egg kutob na lang igham sa pamahaw

•••

Apan si Gobernador Gwendolyn Garcia hugot sa iyang mando sa pag-ban sa padsud sa tanang baboy ug mga produkto nga dunay baboy sa lalawigan sa Sugbo sud sa 100 ka adlaw nga molungtad hangtod sa Disyembre 28.

Mao kini ang iyang solusyon nga mahimong ASF-free ang Sugbo aron panalipdan ang P11 bilyones nga hog industry sa lalawigan. Maayo man kini si gobernador kay di man mokaon og baboy mao nga slim kaayo.

Nitahod siya ni Año, apan nanalipod siya sa Sugbo. “I will always be respectful of Secretary Año. However, I believe that as governor of Cebu, my mandate and responsibility is to protect the province, the Cebuanos and our P10.9 billion hog industry upon which thousands of Cebuanos depend for their livelihood,” matod pa sa gobernador.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph