P6.6M gahin sa Suroy-Suroy sa Sugbo

MOKABAT sa P6.6 milyunes ang giandam nga budget sa Probinsya karon sa pagbalik sa Suroy-Suroy sa Sugbo “Southern Heritage Trail” nga ipahigayon karong Nobyembre 15 ngadto na sa 17 ning tuiga.

Ang P300,000 niini ang igahin alang sa 22 ka mga lungsod isip hinabang nga gamiton alang sa pagpangandam sa maong kalihukan.

Lakip sa mga gastohan niini mao ang pagkaon sa mga bisita ug uban pa nga gikinahanglan sa pagpangandam.

Mabantayan nga mas ubos ang kita o ginansya sa maong kalihukan kon itandi sa gigasto o budget niini.

Depensa ni Provincial Tourism Head, Maria Lester Ybañez nga “investment” kini sa probinsya tungod kay mao pa ang pagbalik sa maong kalihukan ug nagkinahanglan ug pundo ang mga lungsod.

“Di man gyud ta moingon nga alkansi gyud ta kay for one starting pa ta, second introductory rate man nato gihatag. Ang ato actual cost mana atong gibutang for one its an investment for the marketing strategy, it's the income going to the LGU atong giapas not sa Provincial office.It's a win-win situation,” matod ni Ybañez.

Gipanglantawan nga dunay di mo menos 300 ka mga turista ang mosalmot sa maong kalihukan.

Nagpakita na ug interes sa pag apil sa makng kalihukan ang Negros, Palawan ug syudad sa Maasin sa Southern Leyte.

Lakip niini ang Moalboal, sukwahi sa unang taho ug pamahayag ni Mayor Paz “Lingling” Rozgoni nga dili moapil sa kalihukan. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph