Presidente Duterte nasagmuyo sa PNP

ANG officer-in-Charge (OIC) sa PNP Police Lieutenant General Archie Francisco Gamboa miangkon nga atol command conference sa Malacanang nasubo si Presidente Rodrigo Roa Duterte (PRRD) sa mga nasugatang kontrobersiya sa kapulisan bisan sa pagtripli sa budget sa PNP ug pagdoble sa suweldo sa mga pulis.

Matod ni Gamboa nga nakasaway ang Presidente sa kapulisan bisan gihatag na ang tanan, naa gihapoy kahiwian.

Nakapangutana si PRRD sa PNP ngano nga ang PNP kaniadto gihatagan lang og budget sa gobyerno og P6 billion sa tulo ka tuig apan karon gihatagan sila og P26 billion nga hinungdan nga nakapalit na silag nindot nga sakyanan ug brand new helicopters nga magamit sa ilang trabaho.

Tungod sa pangutana sa pangulo, gihimo kini niyang dakong hagit isip OIC sa PNP bisan kon limitado lang ang kapasidad niya karon.

Mahimong sa mosunod nga mga adlaw di na siya ang pillion ni Presidente Duterte nga mahimong PNP Chief apan ning nahabilin nga mga adlaw iyang ipaniguro nga ang matag adlaw di mausik.

“Akong giingnan ang mga kapulisan nga challenge na sa ato, dili mo tuo sa ato ang publiko kung kita mismo dili limpyo,” matod ni Gamboa.

Dili siya mo pasalig nga tanang sakop sa PNP limpyo sa bisan unsa nga matang sa illegal apan kon adunay masakpan, iyang gipasalig nga silotan kini.

Mipagawas siyag kamandoan sa tanang pulis sa nasud nga dili modawat og kwarta gikan sa ilegal nga sugal ug drugas.

Gidid-an usab niya nga maka sulod sa balay kahilayan ang iyang mga sakop sama sa imnanan ug kadtong gitawag nga patay sindi.

Dili nuon kaayo kini. matod pa. problema sa probinsya tungod sa gi practice nga kinabuhi itandi sa lifestyle sa mga pulis sa Metro Manila.

Kini ang hinungdan nga dako kaayo ang hagit nga giatubang karon ang bag-ong National Capital Region Police Office nga si Police Brigadier General Debold Sinas nga bag- ra miasumer. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph