SUPERBALITA CEBU

Albor: Laraw paghingilin ni Duterte?

Sandiganan

NAG-umido ang itom nga laraw paghingilin ni Presidene Rodrigo Duterte. Daghang mipiit kaniya ilabina niadtong mahigugmaon sa dunot nga sistema sa pagpahimulos sama sa mga kaatbang sa politika, druglords, protectors, pushers, users, triad nga tinubdan sa drugas, gambling lords, traditional politicians, adunahan nga tikasan sa bulohisan ug grupo sa mga rebeldi.

Nanganti si Joma Sison sa Communist Party of the Philippines (CPP) nga ang 2019 maoy tuig nga ilang hinginlan si Duterte. Pipila ka mga peryodista ug abogado nagtinguha sab sa pagpapahawa sa presidente.

Napakyas ang bahad sa pagpalagpot sa Sept. 21, 2018 ug kadtong Red October nga i-atol unta sa international communism sa mga walhon. Idungan paglusad ang lihok-protesta sa Union sa mga kompaniya pagpasira aron pagpiang sa ekonomiya sama sa nahitabo sa Nutri-Asia sa Marilao, Bulacan.

Nangulo sa maong conspiracy sa pagpalukapa sa pamunoan ni Duterte ang CPP-NPA-NDF, Sen. Antonio Trillanes, Dilao, Tindig Pilipinas, Movement Against Tyranny, Macabayan, Akbayan, Magdalo, Liberal Party, narco politicians, kapolisan ug mga huwes nga nalambigit sa drugas ingon man si kanhi Ombudsman Conchita Carpio-Morales.

Hungihong nga si kanhi Supreme Court Chief Justice Hilario Davide Jr. mitambong sa tigom kabahin sa paglumpag sa administrasyon apan daling mipanghimakak ang nailang ligdong nga Sugboanon.

Si Peter Joemel Advincula alias Bikoy nga mipasangil sa pamilya ni Duterte nga nalambigit sa negosyo sa drugas misimang sa unang pamahayag. Gisugo diay siya sa pagguba sa pamunoan.

Nunot niini ang CIDG mipasakag criminal complaint ngadto sa DOJ batok sa nagsugo ni Bikoy nga sila si Vice Pres. Leni Robredo ug 35 ka mga kauban ubos sa kasong sedition, cyber libel, estafa, harboring a criminal ug obstruction of justice. Kauban sa 35 sila Trillanes, upat ka obispo nga sila Virgilio David, Socrates Villegas, Teodoro Bacani Jr. ug Honesto Ongtioco.

Mga nakigbatok ni Duterte misumbong sa Supreme Court bahin sa Train Law ug nangusog nga pasakaan og impeachment pagtugot sa China sa pagpanagat sa West Phil. Sea. Nagpunayg hulhog ngadto sa simbahan, CHR, US, UN, EU ug International Criminal Court.

Ang United Nations Human Rights Council (UNHRC) moinbestigar sa mga hitabong patay pinaagi sa resolusyon sa Iceland nga giuyonan sa 18 ka nasod didto sa Geneva, Switzerland.

Apan mihulga si Duterte nga ipasikop kon moanhi. Ingon man mobiya ang Pilipinas sa UNHRC ug moputol sa diplomatikanhong relasyon sama sa pagbiya sa US.

Gigunitan ni Duterte ang baruganan nga independent foreign policy nga iyahayg disiplina sa nasod. (csa_1156@yahoo.com / 09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph