SUPERBALITA CEBU

Manag-uyab, estudyante sikop sa buy-bust

CEBU. Nasakmit gikan sa mga suspek ang P136,000 nga balor sa gituohang shabu sa usa ka buy-bust operation sa Sitio Crasher, Barangay Lawaan 3, Dakbayan sa Talisay. (Hulagway iya sa Talisay City Police Station)

MANAG-UYAB ug usa ka estudyante ang nadakpan atol sa buy-bust operation sa Sitio Crasher, Barangay Lawaan 3, Dakbayan sa Talisay alas 6 sa buntag, Sabado, Oktubre 19, 2019.

Ang subject sa operasyon mao si Isidro Petiluna alyas Eddie, 47, molupyo sa maong dapit.

Nasikop usab ang kapuyo niini nga matud sa kapulisan partner usab ni Petiluna sa negosyo nga giila nga si Maria Anna Empacis, 50.

Matod ni Police Captain Mikhail Mallorca, deputy chief sa Talisay City Police Station, ang duha lumad nga taga Duljo Fatima sa Dakbayan sa Sugbo.

Laing nasikop mao ang usa ka tinun-an nga si Michael Dave Batarilan, 19, giingong kauban nila ni Petiluna ug Empacis.

Matud ni Mallorca, nga una nang gi-monitor ang magkapuyo atol pa sa pamunuan sa kanhi hepe sa Talisay City ug sa gihimo nga padayong surveillance nasuta nga nagpadayon pa gihapon sa ilegal nga patigayon ang duha.

Nasakmit gikan sa mga suspek ang P136,000 nga balor sa gituohang shabu.

Gitug-an ni konsehal Ledion Echavez sa Barangay Lawaan 3 nga bag-o lang namuyo ang manag-uyab sa ilang lugar.

Gihulagway sa mga silingan sa dinakpan nga bisan kon walay trabaho ang duha, giingon nga kalit lang nga nilambo ang pagpuyo sa mubo ra nga panahon.

Gitanggong ang tulo sa Talisay City Detention Cell ug gikatakdang pasakaan og kaso Lunes, Oktubre 21. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph