ANG 5th Mindanao Peace Games (MPG), diin host ang Ateneo de Zamboanga University (Adzu) sa Oktubre 24 ngadto 28, gikonsiderang “biggest” nga edisyon.
Si MPG convenor Noli Ayo sa Ateneo de Davao University (Addu) nagyagyag niini, Huwebes, sa Davao Sportswriters Association (DSA) Forum sa The Annex sa SM City Davao.
Dugang niya, “This is the biggest MPG with 14 schools and over 500 athletes and coaches representing six regions in Mindanao. Mas maraming schools kasali na ang Barmm.”
Niya, nga ang Games dili lamang kompetisyon, diin dinhi ginahimo nga mas makahulugan ang kasinatian sa mga atleta.
“Masaya kami sa limang taon. We were empowered enough to sustain our leadership programs like the biennial sports leaders’ summit in Singapore,” ni Ayo.
Luyo sa Adzu ug Addu, anaa sab ang Xavier University, Ramon Magsaysay Memorial College ug Holy Trinity College of General Santos City; Father Saturnino Urios University ug St. Joseph Institute of Technology sa Butuan City; University of Southeastern Philippines ug San Pedro College of Davao City; Datu Ibrahim Paglas Memorial College of Maguindanao; Mindanao State University of Marawi, De La Salle University of Ozamiz; Iligan Medical Center College; Mindanao Autonomous College Foundation, Inc. sa Basilan.
Ang upat ka adlaw nga kalihukan mag-feature sa basketball, volleyball, football, table tennis, chess, badminton, swimming ug karatedo.