MOHATAG og pahalipay ang founder sa Maharlika Pilipinas Basketball League (MPBL) nga si Senator Manny Pacquiao sa bisan kinsa nga makapamatuod nga adunay league officials nga nahilambigit sa game fixing.
“’Pag may mag-try na magsuhol, isumbong kaagad nila. Magbibigay kaagad naman ako ng pabuya,” matod ni Pacquiao sa interbyu sa “Gametime.”
Gipasabot ni Pacquiao nga naghimo na sila og lakang sa alegasyon kabahin sa game fixing lakip na niini ang pagpasa og memo nga nagdili sa mga magduduwa o game officials nga magamit og cellphones atol sa kombati. “Bawal gumamit ng cellphones, kundi may fine at technical,” matod ni Pacquiao. (ESL)