USA ka ordinaryong tawo nga may ekstraordinaryong damgo sa kini.
Ingon niini gihulagway ni Davao City Police Office (DCPO) spokesperson Police Captain Nolan Tagsip ang iyang biyahe gikan zero ngadto sa pagka-bayani.
Si Tagsip, sa pakighinabi sa SunStar Davao, Sabado, Oktubre 19, nagsulti nga niadtong bata pa siya wa siya kasinati og kaharuhay sa kinabuhi, diin gikinahanglan niyang magtrabaho aron masuportahan ang pagtuon tungod di paigo ang kinitaan sa iyang ginikanan.
Mikuha siya og Secondary Education sa Cebu Institute of Technology.
Anaa siya sa unang tuig sa kolehiyo, ug wa pay tinong panlantaw sa kinabuhi, dihang iyang uyuan, nga usa ka pulis mihatag kaniya og porma sa Philippine National Police Academy (PNPA) examination.
Nadasig nga makahatag og tawhay nga kahimtang sa pamilya, mikuha siya sa eksamin.
Nagkupot siya og rosaryohan, dungan ang paglaum nga maapil siya sa listahan sa mipasar.
Maong tumang kalipay ang iyang gibati dihang nadawat siya sa akademya.
“My purpose why I took the examination is to serve the motherland and to provide for my family because at that time talaga, naghihirap kami,” he said.
“Fortunately, I was able to make it.”
Si Tagsip misud sa police training, Mayo 2007 ug nakahuman sa PNPA sa kursong Public Safety.
Nahimo siyang kabahin sa Sinagtala Class of 2012.
Una siya misud sa police organization, gihinumdum niya ang mga higayong nangiyawat siya og kadasig sa kaugalingon nga mangayo’g ayuda sa iyang kabanay tungod sa kalisud sa pinansiyal.
Ang pamilya niya gikan sa Bohol. Hangtud mibalhin sila sa Cebu City.
Dugang sa batan-ong opisyal nga dihang bag-o pa siya sa serbisyo, parte siya sa tactical units.
Nadesignar siya sa Davao Region, Hunyo 2012 diin ang una niyang assignment sa Regional Public Safety Battalion.
Dayon nabutang siya sa Davao del Sur sa 3rd Maneuver Company.
Niadtong 2013, miabot siya sa Davao City ug nadesignar sa Special Weapons and Tactics (Swat).
Human niana nahimo siyang parte sa City Mobile Group Headquarters ug Rapid Deployment Platoon.
Human ang lima ka tuig isip junior officer sa tactical unit, niadtong 2017 napromotar siya nga deputy station commander sa Tugbok Police Station ilawom sa DCPO.
Niadtong 2018, nadesignar na sab siya City Police Strategy Management Unit (PSMU).
Ning tuig lang, na-assign siya sa Investigation and Detective Management Branch (IDMB) dayon sa samang tuig nabutang siya isip Public Information Office (PIO) head sa DCPO ug PSMU chief.
“I also experience mga bugoy-bugoy but I see to it that I never drop my priorities in life. I drew inspiration from my departed mother who died in 2008. I promised on her tomb that someday somehow, I’ll be successful in life,” ni Tagsip.
Niya, ang iyang propesyun karon maoy gitagana kaniya alang sa Ginoo ug tubag sa iyang pag-ampo.
“I see a purpose why he got me into the PNP maybe, to be one of the catalysts of change – to bring genuine transformation to the organization. In my own little way, in my own level, I could influence our fellow officers to strive for more and to become a good example to the community,” dugang ni Tagsip.
Kalabot serbisyo publiko, ang prinsipyo kaniya, “Serve the lowliest and the poorest without counting the cost nor asking something in return. Glad to be alive but not afraid to die.”