GIKAN sa Heavens Best Entertainment ang naghimo sa “Rainbow Sunset” nilang Eddie Garcia ug Gloria Romero, karon may bag-ong pelikula nga susama gihapon niini og tema.
Ang “Isa Pang Bahaghari” ang balik-tambalan karon nilang Nora Aunor ug Philip Salvador, nga unang nagparis sa award-winning nga pelikulang “Bona”.
Makatrayangulo nila si Michael de Mesa nga bading ang papel. Managhigala silang tulo ug kon unsa may nahitabo mao na’y ang atong atngan.
Makauban sad nila silang Zanjoe Marudo, Joseph Marco, Sanya Lopez, Fanny Serrano, Albie Casiño (batanong Philip Salvador ug Maris Racal (batanong Nora Aunor) sa direksyon ni Joel Lamangan.
Kay si Nora man ang bida siguradong intense ug grabe nga aktingan. Gusto sad ni Nora nga makauban og balik sa movie ang Star for all Seasons nga si Vilma Santos. Ay’g saba!
Kompleto na ang walo ka pelikula sa Metro Manila Film Festival. Kini mao ang “M&M the mall the merrier” (Vice Ganda, Anne Curtis ug Dimples Romana), “Miracle in cell no 7” (Aga Mulach ug Bela Padilla), “Mission Unstapabol The Don identity”(Vic Sotto ug Maine Mendoza), “Sunod” nilang Carmina Villaroel, Mylene Dizon ug Susan Africa.
Ang “Write About Love” (Rocco Nacino ug Miles Ocampo), “3pol trobol huli ka balbon” (Coco Martin, Jennylyn Mercado ug Ai-ai de Las Alas), “Culion” (Iza Calzado, Jasmine Curtis Smith ug Meryll Soriano) ug “Mindanao” (Judy Ann Santos ug Allen Dizon). Ay’g saba!
Nakita siguro ninyong nag-sampol sa “It’s Showtime” ang popstar princess nga si Sarah Geronimo. Tungod kay nagpromote siya sa bag-o niyang pelikula nga makita na nato sa mga sinehan karong semanaha.
Atong nuntan ang adventure ni Sarah ug sa iyang pet dog sa pelikulang “Unforgettable” sa Viva films, ay’g saba!