SUPERBALITA CEBU

Mongaya: Yayay na sab si Bongbong

Panahom

HUMAN sa taas-taas nga panahon nga ang kampo ni Bongbong Marcos nagsigig pagarpar nga nakadaog na sila sa ilang protesta, niguwa karon nga nisamot man diay kadako ang labaw ni Bise Presidente Leni Robredo.

Si Bongbong ang nipili sa mga lalawigan nga Negros Oriental, Ilo-ilo, ug Camarines del Sur nga maoy iphon. Atong nasabtan nga kon makumpirmar ang pasangil ni Bongbong nga dunay mga tikas, ipadayon ang iyang protesta.

Kon wala, mohunong na ang Presidential Electoral Tribunal (PET) sa pag-ateman sa maong kaso.

Apan karong klaro na nga nidako hinuon ang labaw ni Robredo nga moabot og 15 mil, dunay dugang na sab Bongbong nga gustong mahitabo. Ang resulta sa tulo ka lalawigan sa Mindanao na sab ang iyang ipabalewala aron mapapas ang labaw ni Robredo.

Yuna pa, makapaduda gyud noon kon ipadayon pa sa PET ang pagdungog sa maong protesta ni Bongbong.

Ang importante karon nga mosalig ang katawhan sa atong mga institusyon labi na ang Korte Suprema. Kon pildi man gyud gani si Bongbong, unsa pa may rason nganong mopadayon pa?

Kini usab si Bongbong Marcos di sab gyud makadawat nga napildi siya. Saun, natulog man pag-ihap sa mga boto kaniadtong 2016 busa naapsan hinuon.

Independente

Dalaygon kining pag-adto ni Presidente Rodrigo Roa Duterte sa Russia ug iyang pagpakigkita kang Russian Presidente Vladimir Putin. Alang kanako, nagpasabot kini nga seryuso si Presidente Duterte sa iyang pagduso og independente nga foreign policy.

Sukwahi gyud kini sa miaging mga presidente sa Pilipinas nga modiretso sa pag-amen sa presidente sa Amerika human makadaog sa piliay.

Bisan sila si Presidente Ferdinand Marcos, Presidente Cory Aquino, ug Presidente Noynoy Aquino magdali-dali man dayon og state visit ngadto sa America aron magpasalamat ug mohangyo dayon og tabang. Mora kinig mas desente nga nanglimos og hinabang sa Amerika.

Apan lahi kini si Duterte. Wa kini magpahigot sa giingong naandan nga mobisita dayon sa Estados Unidos bisan pa man og amigo silang US President Trump.

Mas giuna pa niyag bisita ang China ug ang Russia.

Librong Duterte

Imbitado diay ko sa launching sa libro ni Earl Parreño nga “Beyond Will and Power: A biography of President Rodrigo Roa Duterte” kagahapon sa hapon.

Atong nahinabi si Earl sayo pa ug atong nasayran nga dili kini usa ka critique sa Presidente. Apan, daghan og mahibaw-an ang mga tigsuporta ug mga kaatbang sa Presidente kabahin kaniya.

Mapalit ang maong libro gikan sa Stand Foundation. Hmmmm. (@anol_cebu sa Twitter)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph