GIPASIDAN-AN ni PNP-12 Regional Director Police Chief Supt. Josefino Catalu¤a ang tanang mga politiko sa Central Mindanao nga dili mohatag og salapi ngadto sa rebeldeng New People's Army (NPA) aron dili sila mogara.

Gipagula ni Cataluña ang pahayag human nakadawat og taho nga adunay mga kandidato sa rehiyon ang mihatag og salapi ngadto sa mga rebelde bugti sa ilang pagpangampanya sa usa ka posisyon, makasulod sa mga kontroladong lugar sa mga NPA, sama sa hilit nga dapit North Cotabato, Saranggani, Sultan Kudarat, South Cotabato, utlanan sa Bukidnon ug Davao del Sur.

Giklaro ni Catalu¤a nga nagpadayon ang ilang kooperasyon ngadto sa kasundaluhan sa paglusad og operasyon batok sa maong lakang.

Nagbahad si Catalu¤a ngadto sa mga kandidato nga kun mapamatud-an nga naghatag sila og campaign fee sa rebeldeng grupo, dili sila magpanuko sa pagpasaka og kaso batok ngadto kanila.

Nanghulga sab si Kumander Jasmin sa Front Commitee 53 nga kun dili sundon sa mga kandidato ang mando sa Communist Party of the Philippines posibling dunay mahitabo o kaha madisgrasya sila kun mosulod sa mga lugar nga dunay presensya sa mga rebelde.

Tungod niini gibantayan pag-ayo karon sa militar ug kapulisan ang mga dapit sa Central Mindanao nga giilang gilubluban sa mga armado aron kahatagan og seguridad ang mga kandidato nga moadto sa mga nahisgutang lugar. (Edgardo Fuerzas)