SUPERBALITA CEBU

Mall gitulis

GITULIS: Nagkatag ang mga patak sa dugo sa usa ka bahin sa JCentre Mall sa dan A.S. Fortuna, Dakbayan sa Mandaue nga gikatahong gitulis sa labing minos 12 ka armadong mga tawo mga alas 7 sa Sabado sa gabii, Oktubre 19. Usa ka tawo ang gitaho nga naangol samtang wa pa matino pilay nadala sa mga tulisan. (Tampo)

GIBANA-banang labing minos 12 ka armadong mga tawo nga gituohang mga sakop sa “martilyo gang” ningtulis sa pipila ka mga establisemento sud sa JCentre Mall sa dan A.S. Fortuna, Barangay Bakilid, Dakbayan sa Mandaue mga alas 7 sa Sabado sa gabii, Oktubre 19, 2019.

Pasiunang mga impormasyon nga nakuha sa Superbalita Cebu nagbutyag nga usa ka pawnshop ug money changer ang gipangtulis.

Gidudahan nga martilyo gang ang niigo kay base sa sulti sa mga saksi, gihapak sa mga tulisan og martilyo ang estante sa usa ka pawnshop.

Usa sa mga guwardya sa usa ka establisemento nga si Joseph Zanoria naangol human gihapak sa usa sa mga tulisan ang iyang ulo. Sa pagsuwat ning taho, nag-clearing pa ang mga pulis ug gwardya sud sa mall.Wa pay dugang impormasyon ang kapulisan. (KFD, AC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph