Dear Papa Joe,
Tawaga lang ko sa ngalan nga Miss. Confuse, 27 anyos, dalaga. Wala koy tarong trabaho kay nag-atiman ko sa akong inahan nga masakiton. Tinda tinda lang ko sa amo, online o bisan unsa nga diskarte.
Naay nanguyab nako nga silingan ra namo pero mao sad lagi, pobre sad sama namo. Sa tinuod naka-like ko aning lakiha ug kon naa pa lang niya akong gipangita sa lalake nga makahatag nako og maayong kinabuhi, siguro way duhaduha sugton nako siya sa iyang pagpanguyab nako.
Karon, bunga sa kalisud, nakauyab ko og Kano nga maoy mohaw-as namo sa lisud. Taudtaod gyud ni siya nanguyab nako pero wa pa nako sugta kay gitan-aw man nako iyang kayang pag-antos. Pero sa tinuod lang, naglibug ko, mao nagpatambag ko, “kwarta o gugma”?
MS. CONFUSE
Miss Confuse,
Pangutan-a gyud imong kaugalingon a thousand times. Basin mahug lang og sa wala ang imong ambisyon. Pero tinuod dili kwarta ang makalipay ra sa tawo, kon di apil na ang pagsinabtanay sa managhigugmaay. Pero ang pag-ampo gamhanan gyud nga maybe kanang Kano nimo mao gyud nay tubag sa imong yangungo dihang galisud gyud mo pag-ayo.
Way maayong laki ana, Miss mo-advise sa problema about ana, kon di ikaw ra ug sa imo sad direct nga kaliwat. Unsa may moabot nimo nga grasya. Again, klaruha una og maayo aron di ka magmahay.
Papa Joe
(Sa inyong tampo ipadala lang sa papajoesuperb@gmail.com)