SUPERBALITA DAVAO

Lalaki gipatay sa tunghaan

PERSONAL nga bikil ang gitumbok nga hinungdan sa kamatayon sa usa ka lalaki nga giluba sa iyang katagay og inom sulod sa Sto. Tomas National High School Building Campus sa Menzi, Barangay Tibal-og, Davao del Norte alas 11:00 sa buntag, Sabado, Oktubre 19, 2019.

Ang biktima mao si Ryan Benitie Abancio Casas, 38-anyos, ulitawo, laborer ug molupyo sa Purok 2, Barangay Batangan, Valencia City, Bukidnon.

Sa pagpanubay sa kapulisan, nasayran nga ang biktima gidala na ngadto sa Sto. Tomas Municipal Health Center aron nga matambalan apan gideklarang dead on arrival sa doktor.

Base sa inisyal nga imbestigasyon, ang biktima giluba sa iyang kauban sa trabaho nga ginganlan og Ramil Villanueva Adam, 47-anyos, ulitawo, laborer ug molupyo sa Barangay Lapu-Lapu, Digos City, Davao del Sur.

Giingon nga ang suspek ug ang biktima nagtagay sa ilimnong makahubog sulod sa maong tunghaan apan taliwala sa tagay nagkalalis sa wala masayring hinungdan nga miresulta sa pagpanunggab sa suspek sa biktima sa liog ug likod nga bahin sa lawas nga miresulta sa hinanaling kamatayon.

Ang suspek nadakpan sa guwardiya sa maong eskwelahan ug gi-turnover sa mga miresponde nga pulis uban sa hinagiban nga gigamit sa pagpatay.

Ang patay nga lawas sa biktima gipahiluna sa Copreros Funeral Parlor nga nahimutang sa Feeder Road 3, Barangay Tibal-og samtang ang suspek nakatakdang pasakaan og kaso didto sa korte.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph