SUPERBALITA DAVAO

Daghang na-trauma sa aftershocks sa Davao del Sur

MIBATI na og trauma ang ubang molupyo sa lalawigan human matag karon ug unya nga makasinati sa hinay ug kusog nga mga pagtay-og.

Sa lungsod sa Bansalan, Davao del Sur, nagdagan-dagan nga miguwa gikan sa iyang tindahan si Carmen Villanueva, 45, human nabati ang kusog nga pagtay-og niadtong Sabado sa buntag, Oktubre 19, 2019.

Subay sa bulletin sa Philippine Institute of Volcanology and Seismology (Phivolcs), usa ka magnitude 4.9 nga linog ang mihapak 18 kilometros sa amihanang sidlakan sa Tulunan, North Cotabato nga adunay upat kilometros nga gilawmon.

Dominggo, Oktubre 20, nakasinati og duha ka mga hinay nga linog ang lungsod sa Kiblawan, Davao del Sur, alas 7:01 sa buntag.

Matod sa Phivolcs, anaa sa 19 kilometros gikan sa habagatang sidlakan sa lugar ang linog nga tectonic ang origin ug adunay usa kilometro nga gilawmon.

Nasundan kini sa magnitude 2.3 nga miigo mga 14 kilometros sa habagatang kasadpan sa lungsod ug aduna’y 40 kilometrong gilawmon.

Nabati sab ang maong pagtay-og sa mga kasikbit nga kalungsuran.

Bisan si Myrna Castillo sa Siyudad sa Digos, nagbutyag nga gikan siya sa simbahan dihang nabati ang pagtay-og ug miangkon nga na-trauma pa sa nahitabo niadtong Miyerkules sa gabii, Oktubre 16.

Ang ubang molupyo na-stress na sab og dinagan palayo sa ilang balay sanglit daw matag oras nga masinati ang mga pagtay-og tungod sa padayong aftershocks sa Tulunan, North Cotabato.

Apan, matod ni Lucinda, 54, nga mahinungdanon ang kanunay’ng pag-ampo sa kahitas-an aron nga maluwas sa kalamidad sanglit alang niya posibleng pagpukaw lamang kini sa kadaghanan nga nakalimot na sa pagsangpit sa Diyos.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph