SUPERBALITA DAVAO

15-anyos anak ‘gilugos’ sa amahan

Ang biktima kinsa midangop sa Sta. Maria Municipal Police Station hinungdan nga nasikop ang suspek nga amahan. (Hulagway iya sa PRO-Davao Region)

NASIKOP sa awtoridad ang 45-anyos nga lalaki human gipasanginlang nilugos sa 15-anyos nga anak sa Barangay Sta. Maria, Davao Occidental niadtong Biyernes, Oktubre 18.

Base sa impormasyon sa Sta. Maria Municipal Police Station (MPS), giingong pasado alas 5 sa hapon usa ka alyas Angie, (bansagon gitago), 15-anyos, Grade 10 student ang midangop sa kapulisan aron itug-an ang gihimo sa iyang amahan ngadto kaniya.

Sa pagsaysay sa biktima ngadto sa kapulisan nasayran nga gihimo ang pag-molestiya sa suspek nga si Alan (bansagon gitago), 45-anyos, dihang wala ang asawa niini kinsa naninda og pagkaon.

Gisaysay sab sa biktima nga niadtong Grade 7 pa siya maoy unang paglugos kaniya sa iyang amahan diin nasundan kini niadtong Oktubre 17, 2019 ug niadtong miaging semana, gisulayan na sab siya og lugos.

Giingon sa biktima nga dili niya mahimo ang pagtug-an niadto sa iyang inahan gumikan kay gibaharan siyang patyon sa iyang amahan kon siya mosumbong sa nahitabo.

“According to the victim, she was hesitant to disclose it to her mother because of the death threats made by his father towards her,” sumala sa Police Regional Office (PRO)-Davao Region.

Gipasalig sa PRO-Davao Region nga i-presentar nila ang biktima diha sa pagproseso sa pagpasaka og kaso batok sa amahan.

Ning kasamtangan, gibalhog na sa Sta. Maria MPS ang suspek.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph