Angkas nga babae nalatayan

PATAY ang usa ka babae human nalatayan sa primemover truck mga alas 10:10 sa buntag, Biyernes, Oktubre 18, sa Lasang, Tubigan, lungsod sa Initao, Misamis Oriental.

Giila ang biktima nga mao si Ofelia Tecson, hingkod ang edad.

Ang driver sa primemover truck giila nga mao si Rey Pacturanan.

Sa inisyal ng imbestigasyon nasuta nga angkas niadtong tungora si Tecson sa motorsiklo.

Apan, tungod kay adunay deperensya ang dalan sa dapit na slide kini hinungdan sa pagkaligid ug didto nakapaingon sa pikas lane si Tecson.

Sakto maoy pag agi sa primemover truck hinungdan nga nalatayan ang biktima.

Gidala pa sa Northern Mindanao Medical Center (NMMC) apan dead on arrival si Tecson.

Driver sa truck detinado sa prisuhan sa Initao Police Station.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph