DILI pa tin-aw kung magpapili pagka-gobernador sa sunod eleksiyon si Mayor Oscar Moreno apan nibutyag nga mopauli na sa Balingasag, Misamis Oriental pagkahuman sa iyang termino.
Nibutyag si Moreno nga sayo pa alang niini apan giingong dili talikdan ang dakbayan diha sa pagpanerbisyo.
"Sayo pa, sayo pa. Trabaho sa ta. Certainly, I'm going back to the province and dinhi sa Cagayan. Pero ang ato, I want to make it clear nga dili ako motalikod sa Cagayan. Remember ang Cagayan ug ang Misamis Oriental are one," matud ni Moreno.
Gidugang pa niini nga buot niya nga palapdan ang kaabag ug mausab na ang dakbayanug probinsiya, diin sa taas nga panahon nahikawan sa walay panag-uyon ug pagtinabangay.
"For many decades, walay atong nakita nga teamwork between the province and the city. Gani, puro nilibaka ang gakahitabo. Walay teamwork, walay harmony, and that’s what we want to achieve," matud ni Moreno.
"Malooy'ng Ginoo, sunod nga level is ang Kaabag is will cover a wider area," dugang pa.
Nasayran nga giduso na niini si Congressman Klarex Uy nga maoy mosunod kaniya sa pagdumala sa dakbayan isip pagkamayor, apan giklaro nga wala pa nila kini hingpit nga ma-istoryahan.
Apan, susamang dili pa niini biyaan ang politika tungod kay buot niini nga makatabang.
"Ang ako man gud dili akong kaugalingon kundili asa ba ako makatabang in a more meaningful way," dugang pa.
Misamis Oriental napasagdan?
Makaloluoy ang Misamis Oriental ug susamang napasagdan diha sa paghatod sa mga serbisyo sigon pa ni Mayor Oscar Moreno.
Gibutyag niini nga alang kaniya, luoy ang Misamis Oriental gumikan kay napasagdan kini.
"Napasagdan gyud intawn. Luoy biya, luoy ang Misamis Oriental," matud ni Moreno.
Gidugang pa nga wala nahatagan og pagtagad ang mga nag-unang mga angayang tutokan.
"Tanan health services, education, luoy kayo. Bisan gani ang infrastructure luoy kaayo," dugang pa.