PATAY na nga niabot sa balay tambalanan ang usa ka lalaki human naghikot sa iyang liog niadtong Oktubre 15 sa Barangay Camaman-an, dakbayan sa Cagayan de Oro.
Ang maong lalaki naila nga si Regyl Villaganas, 29, ug lumulupyo sa maong dapit.
Sa nahipos nga impormasiyon gikan sa kapulisan sa Police Station 2 (PS2) sa Cogon nga gitaho sa inahan ang nahitabo sa iyang anak.
Giingong napalgan nalang kini nga nagbitay pinaagi sa paghikot og pisi sa kisame.
Dali pa kining gidala sa pribadong tambalanan apan nakabsan na sa kinabuhi.
Ang patay nga lawas ang gi-atiman na sa nahabiling pamilya.
Kanunay usab nga nagpahimangno ang City Social Welfare and Development (CSWD) ilabi na ang psychosocial department nga kung nakasinati og depresiyon modangop lang sa ilang buhatan aron matabangan ug mahatagan og libreng konsultasyon.