SUPERBALITA CAGAYAN DE ORO

Dalaga nabangga, patay

PATAY na nga nahidangat sa balay tambalanan ang usa ka dalaga human naaksidente sa gimanehong motorsiklo mga alas 2:30 sa kaadlawon niadtong Biyernes, Oktubre 18, sa Gran Europa, Barangay Lumbia, dakbayan sa Cagayan de Oro.

Patay si Marlyn Rudenas, 30, ngadto sa 36 ang pangidaron, dalaga ug lumulupyo sa B23 L2 Lessandra Subdivision Lumbia, ning dakbayan.

Sa impormasiyon gikan sa kapulisan sa Police Station 8 (PS8) sa Lumbia nga nakadawat nalang sila og tawag gikan sa guwardiya nga si Annabel Aranjuez kalabot na sa aksidente nga nahitabo sa maong dapit.

Gikabutyag nga nibangga ang gimaneho ni Rudenas nga motorsiklo nga Honda beat nga nagdala sa numero sa plaka nga KC178170 sa center island samtang pauli na sa ilang panimalay.

Dali pa nga gidala sa Oro rescue ang biktima ug gidala sa balay tambalanan apan walay swerteng gideklara kining dead on arrival sa doktor.

Ang patay nga lawas ang gi-atiman na sa nahabiling pamilya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph