HUMAN sa usa ka semana nagpakahilom ang kandidata sa Binibining Pilipinas Grand International 2019 Samantha Lo, mitingog na pinaagi sa iyang Instagram post niadtong Oktubre 20.
Dinhi giklaro sa Cebuana beauty queen ang nahitabo sa dihang nasuta didto sa airport sa France nga peke ang iyang travel documents ilabi na ang passport, hinungdan nga siya gi-deport pauli sa Pilipinas.
Malampuson nga miabot na sa Caracas, Venezuela si Lo kagahapon sa kaadlawon alang sa maong pageant og mitataw nga wa siyay kasayuran nga gimao-mao diay ang iyang passport.
Apan gibasol niini ang matod pa “local organizer” nga maoy nag-atiman sa iyang travel documents. Apan ang mga pageant enthusiast nagtuo nga ang Binibining Pilipinas Charities Inc. maoy gipasabot sa kandidata, taho sa PEP.ph.
Gani way gitabang ang maong local organizer gawas sa iyang pamilya ug ubang Pinoy, maoy naningkamot aron siya makabalik sa Pilipinas human siya gi-detain sud sa pipila ka oras sa French authorities.
“My local organizer, who handled my travel preparations, failed to equip me with the proper transit visa that may have enabled me to complete my earlier trip to this host country.
“Moreso, it wasn’t them who got me out of detention and put me safely on that plane to come back home. It was my family and other well-meaning Filipinos who did —and they are still not resting until this is over,” batbat ni Lo sa iyang Instagram post.
Taliwala sa traumatic experience ni Lo, iyang paningkamutan nga iyang mauli ang korona ug tilulo alang sa Pilipinas.
Mipaabot sa iyang pasalamat ang kandidata ngadto sa Miss Grand International Organization sa mainitong pagdawat ug suporta ngadto niya.
“It is not easy for me to do this — I still struggle with the fear and the trauma of recent days — but I know there is a bigger picture here and I will not let such fear silence me or deter me from the grand task ahead,” panapos ni Samantha. (B)