IKAWALO na man tuod nga higayon nga depensaan ni Filipino Jerwin Ancajas ang iyang International Boxing Federation (IBF) super flyweight title karong Nobiyembre 3 (RP time) apan gitataw sa iyang kampo nga nagpabiling hidlaw ang ilang batos sa kampiyunato hilabi na batok sa usa ka Mexican challenger nga si Jonathan Javier Rodriguez.
“When you’re fighting for a world title, they’re usually hungry and they’ve got nothing to lose,” matod ni Sean Gibbons, presidente sa Manny Pacquiao (MP) Promotions, sa interbyu sa www.abs-cbnnews.com
Si Gibbons maoy kuyog ni Ancajas sa iyang paghiabot sa Amerika niadtong Sabado kauban ang iyang trainer nga si Joven Jimenez ug ubang sakop sa Team Ancajas.
“Javier Rodriguez is no joke. The last time he fought, he send the guy in the hospital. That’s the type of fighter Jerwin is facing,” dugang ni Gibbons.
Gitumbok ni Gibbons si Felipe Orucuta, kinsa gi-knockout ni Rodriguez sa 10th round niadtong Hunyo. Si Orucuta gidala sa ospital ug gipaubos sa operasyon aron tangtangon ang nibagtok nga dugo sa iyang utok. Si Ancajas, kinsa adunay 31-1, 21KOs nga rekord, nagkanayon nga nasayod siya kon unsa nga klase nga boksidor si Rodriguez.
“Agresibo siya, nakita namin sa mga laban niya. Ito yung style niya talaga, pang Mexican. Hindi umaatras, andiyan lang lagi sa harapan mo, hindi umaalis,” pasabot ni Ancajas.
Si Rodriguez adunay 21-1, 15KOs nga rekord.
Gipasabot ni Jimenez nga dili tantong bug-at ang training ni Ancajas gumikan kay nahadlok silang masobrahan kini sa pagbansaybansay. (ESL)