SUPERBALITA CEBU

Langyaw wala mobayad sa iyang order sa KTV bar, gipadakop

USA ka Australyano ang gipapriso sa manager sa usa ka KTV bar nga iyang giimnan sa dan Gen. Maxilom, dakbayan sa Sugbo, kagahapon sa kaadlawon, Oktubre 21, 2019.

Si Peter Richard Sambye, 48, gitanggong sa presinto sa kapulisan nunot na sa maong reklamo.

Matod ni PMaj. Eduard Sanchez, hepe sa Abellana Police, nga niresponde ang iyang mga sakop kalabot sa ilang reklamo sa langyaw.

Si Fatima Delima, manager sa KTV bar, maoy nibarog nga reklamante, butyag ni Delima. Dihang mosira na ang bar, si Sambye gipaninglan sa P8,000 nga balor sa iyang gipang-order.

Wala mobayad ug nisuway sa paglakaw ang langyaw hinungdang ilang gipugngan.

“Pag-abot niya mga 11:00 pm kagabii hubog nana siya daan,” sumala ni Delima.Giingong unom ka mga babaye ang gi-table ni Sambye ug daghan nga mga ilimnon ang iyang gi-order.

Naundang lang ang pag-order ni Sambye dihang gipahibawo nga mosirado na sila apan di na siya mobayad sa iyang gipang order.

Lunes sa hapon, OKtubre 21, si Sambye gikataho nga buot makitg-areglo ug mobayad sa iyang gipang-order. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph