Dagkong negosyo sa Talisay giawhag nga pahugtan ang ilang seguridad

Si Police Maj. Gerard Ace Pelare, ang bag-ong hepe sa Talisay City Police Station, ang nakigtagbo kang Mayor Gerald Anthony Gullas, ug sa ubang stakeholders Lunes sa buntag, Oktubre 21, aron pagtuki kalabot sa pagpahugot sa pagpatuman sa peace and order sa dakbayan. (Tampo nga hulagway gikan sa TCPS)
Si Police Maj. Gerard Ace Pelare, ang bag-ong hepe sa Talisay City Police Station, ang nakigtagbo kang Mayor Gerald Anthony Gullas, ug sa ubang stakeholders Lunes sa buntag, Oktubre 21, aron pagtuki kalabot sa pagpahugot sa pagpatuman sa peace and order sa dakbayan. (Tampo nga hulagway gikan sa TCPS)

MGA mall owners, manager sa mga bangko, pawnshop ug security agencies ang pakigtagbuan sa kagamhanan sa dakbayan sa Talisay karong Martes, Oktubre 22, 2019, human sa nahitabo nga pagpangawat sa mga armado nga grupo sa J-Centre mall sa dakbayan sa Mandaue.

Gustong makigkita si Mayor Gerald Anthony "Samsam" Gullas Jr. sa mga hingtungdan aron pagtuki kalabot sa mga gipangandaman nila kalabot seguridad para nga kapugngan ang mga susama nga krimen.

Sigon ni P/Major Gerard Ace Pelare, hepe sa Talisay City Police Station, nga buot usab nga sayran sa mayor ang gihimo nga mga pagpahugot sa seguridad diha sa mga mall ug uban pa nga business establishment.

Subli nga pahinumduman sa ilang himuon pag-detect sa mga tawong’ kadudahan nga posibleng’ mangawat o mohimo’g dautan.

Gipasabot ni Pelare nga ang matag establishemento adunay mga seguridad nga gipatuman apan mas kinahanglan sab nga kumustahon ug i-review ilabi na nga nagkaduol na ang adlaw sa Pasko ug Bag-ong Tuig kun diin mas daghang ang transaksyon may labot sa kwarta.

“We are happy that the mayor will be there (sa meeting) in order to send a strong message sa mga would be criminals that Talisay City is not safe for them,” asoy ni Pelare.

Gitug-an ni Pelare nga nihimo na sila sa pag- roving diha sa mga pawnshops, money changer ug uban pa alang sa pagpahinumdom ug gihatagan sa mga numero sa hotline sa kapulisan nga dali matawagan.

Lakip sa gipahinumduman ni Pelare ang mga nagpaabang sa ilang mga balay o lawak, nga mohimo usab og pag-background check sa mga bag-ong moabang.

Sama nalang sa pagpangayo sila og mga pruweba asa gikan ug unsay tuyo sa diha sa ilang mga lugar.

“Dili lang ta maghuna-huna og profits, what we usually do, kay accept and accept ra gyud ta without even knowing kinsa ning mga tawhana. You asked for documents, asa sila gikan, mag-unsa sila, and if di sila mohatag information, suspicious, that is the time, mo-report sila,” dugang ni Pelare.

Gani matud ni Pelare nga mas maayo kon pangayuan og NBI clearance ang mga buot moabang, sa pagsiguro nga tinarong ang ilang intension.

Dugang ni Pelare nga angay lang ang komunidad manginlabot, kay kasagaran sa mga intelligence report naggikan diha sa mga yano nga tawo.

Giklaro sa kapulisan nga matag karon ug unya nga mga pag-roving ug mga checkpoints ang ilang gihimo, diha sa dakbayan sa Talisay. (Superbalita Cebu)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph