PUSIL diri, pusil didto. Patay diri, patay didto.

Mao kini ang hulagway karon sa palibot sa dakbayan sa Sugbo.

Sagad nga maoy hinungdan ning maong panghitabo mao ang tulis nga bisan sa kagamay sa butang dili gyud magpanagana sa paghunos og kinabuhi kining mga way puangod nga mga suspetsado.

"The Manny Pacquiao Blog". Click here for stories and updates on the Filipino boxing champ.

Dili nila igbali ang mga kasakitan nga maangkon sa pamilya sa ilang gipangbiktima.

Laing mga hinungdan niini, mao kining panagbingkil sa duha ka mga fraternity – Bloods ug Crips – nga mobiktima usab og mga inosenting tawo kinsa ilang maalaan nga miyembro sa ilang kaatbang nga pundok.

Kining maong mga panghitabo, igo na kaayong makapaalarma sa mga Sugboanon. Tinuod nga ning pagdagsa sa mga pipila ka mga tigpatigayon, makapahupay na unta sa mga molupyo sa Sugbo, apan ang kakulba ug hudlat sa ilang kinabuhi maoy nitugbang niini.

Kining tanan mobanda ra gihapon ngadto sa lokal nga pamunoan.

Ang peace and order nga unta maoy angayan nga hatagan og prayoridad sa gobiyerno daw sa hatagigi pakabana.

Dili ikalimod nga adunay pipila ka mga kaso sa pagpanulis ug pagpatay nga nahatagan og kasulbaran human madakpi ang mga suspetsado. Dunay mga naturil na sa hukmanan ug napahamtangan na sa tukmang silot.

Apan bisan pa niini, ang katawhan pabilin nga way kasiguroan.

Mahangop man tuod sa mga biktima kon aduna nay tinud-anay nga hustisya nga ilang makab-ot, apan ang kadaot ug kahaw-ang nga nahimo gumikan sa kalit nga pagtaliwan sa ilang mga minahal sa kinabuhi dili na gyud maalim pa.

Ang katagbawan nga gipangaliya sa kadaghanan mao nga mapakgang ug dili makabuhat sa ingon ang mga kriminal nga naghudlat sa kinabag-an – butang nga angay unta atimanon isip tubag sa nagusbat na nga peace and order situation sa dakbayan.