MALIPAYONG napatuman sa Cebu Young Talent (CYT) ang libreng kalingawan nga ilang gidalit ngadto sa mga Talisaynon sa miaging Oktubre 15 sa Inasal Park, Talisay City.
Ang maong kalingawan gilangkuban sa mga miyembro sa grupo sama sa Tawag ng Tanghalan alumni ayleah Gom-os, Clarence Georpe; Singing Bebe Boy Yad Robal Jayme; CYT Prime Artist Roi Bermudez; Viral kid nang Ormoc CK Arcelo; Cebu Boyband Grand winner Zack Dipay; Tiktok Influencer from Davao Hershey Dacera og ang ABS-CBN Pinoy Boyband ug It’s Showtime Daniel Padilla Kalokalike Michael Diamse.
Nipakita pud sa ilang talento sila si Kirt Martinez, CYT Angels ug opisyal usab nga gipailaila ang mga contestant alang sa Cebu Boyband Search Season 3.
“Dako jud kaayo ko og pasalamat ni Mayor Samsam Gullas sa paghatag og kahigayonan nga maka perform og mapakita sa atong mga bisaya talents ang ilang tagsa tagsa ka talento nga angay gyud natong ipasigarbo,” matod ni Johndro, Managing Director sa CYT.
Mapasalamaton an CYT sa Globe Telecom, Timofey Production, Belgian Waffle, ALS RCS, Zagu, Sisig Bar, Cebu Original Lechon Belly, Mabolo Royal Hotel, Cebu Century Plaza Hotel, Han Pork Restaurant ug Talisay City Tourism Office sa ilang suporta sa kalamposan sa pasundayag. (PR)