SUPERBALITA DAVAO

BPAT sa Barangay Mulig gipailawom sa training

SA TUMONG nga mapakusgan ang programa nga Barangay Peace Action Team (BPAT), gilusad sa mga personahe sa Police Regional Office (PRO)-Davao nga mipailawom sa Public Safety Senior Leadership Course sa Regional Training Center 11, Mintal, Davao City ang usa ka four-day community outreach program sa Barangay Mulig, Toril District, Davao City, niadtong Oktubre 14-18.

Nakabenepisyo ang moihap 30 ka mga BPAT members diha sa pagpakat-on kanila sa mga angay himuon alang sa pagpatuman sa balaud.

Gipamatuto sa mga miyembro sa BPAT ang mga butang alang sa kahapsay ug kalinaw diha sa ilang mga responsibilidad isip mga first responders.

Gilusad usab sa maong takna ang “I-TEXT O ITAWAG MO, AKSYONAN KO” nga dunay hotline numbers 0956-814-9622 alang sa paspas nga pag-responde sa bisan unsa nga reklamo.

Ang maong programa kaalayon ang Department of Interior and Local Government (DILG) 11, Toril Police Station ubos sa Davao City Police Office ug Brgy. Mulig.

Atol sa programa, gilayong gipermahan ang usa ka Memorandum of Agreement ug Covenant Signing of Commitment tali Barangay Council sa Brgy. Mulig ug BPAT members alang sa ilang dedikasyon sa pagserbisyo sa komunidad. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph