MAPASALAMATON si Terrence Romeo sa San Miguel Beermen sa pag-agak og balik sa iyang basketball career niadtong panahon nga alang kaniya, mihanap na ang iyang kaugmaon.
“Binuhay nila yung career ko ulit,” matod ni Romeo. “Akala ko yung career ko dati talagang maaga na akong magre-retire sa mga nangyayaring ups and downs.”
Ang Beermen mikuha kang Romeo gikan sa Talk N’ Text KaTropa pinaagi sa trade sa wala pa nagsugod ang 2019 season.
Ubos sa kampo sa KaTropa, daghang kasamok ang naagian ni Romeo nga sa iyang pagtuo maoy makatuldok og sayo sa iyang basketball career.
Sa pagbalhin niya sa Beermen, nakakita og bag-ong kahayag si Romeo.
Unya niadto lang Sabado, ang kanhi UAAP MVP gipapirma sa Beermen og bag-ong tulo ka mga tuig nga contract extension.
Nagpasalamat og dako si Romeo nila ni San Miguel big boss Ramon S. Ang, SMC sports director Alfrancis Chua, ug team board representative Robert Non sa pagsalig nga gihatag ngadto kaniya.
“Kaya gusto kong suklian (sila). Gusto ko na every game makatulong ako sa team sa kahit pa-paanong paraan,” pasabot ni Romeo.
Ang mga pulong ni Romeo iyang gihimo sa binuhatan pinaagi sa pagpupo og 12 puntos aron tabangan ang Beermen nga modaog batok sa Columbian Dyip sa Philippine Basketball Association (PBA) Governor’s Cup niadtong Dominggo sa Araneta Coliseum.
“Yung pasok sa akin hindi ko pa maintindihan paminsan-minsan. So talagang kailangan focus lang ako lagi,” pasabot ni Romeo.
Ning maong kombati, ang Beermen gipangulohan na sab sa ilang impresibong import nga si Dez Wells pinaagi sa iyang 39 puntos.
Ang Sugboanong higante nga si JuneMar Fajardo nidugang og 19 puntos samtang niamot og 15 puntos si Alex Cabagnot.
Sa laing duwa niadtong Dominggo, wala’y kaluoyng gipanglampornas sa Brgy. Ginebra Gin Kings ang Magnolia Ang Pambansang Manok Hotshots, 105-83. (ESL)