SUPERBALITA CEBU

Pagara, Servania gikuhang sparring mates ni Inoue

NABANTOG man tuod siya nga usa ka lehitimong knockout artist apan gitataw ni Japanese boxing superstar Naoya “Monster” Inoue nga dili siya mag-apas og knockout nga kadaugan sa iyang umaabot nga away batok kang Nonito “Filipino Flash” Donaire.

Mag-krus ang mga dalan nila ni Inoue ((18-0, 16KOs) ug Donaire (40-5, 26KOs) karong Nobiyembre 7 sa final bout sa World Boxing Super Series bantamweight tournament sa Saitama Super Arena sa Japan.

Si Inoue, kinsa maoy tag-iya sa World Boxing Association (WBA) ug International Boxing Fedetation (IBF) super bantamweight titles, nagkanayon nga wala siya nakatutok nga modaog pinaagi sa knockout.

Matod niya nga tinguha niyang dag-on ang matag round gamit ang nagkadaiya niyang mga taktika aron makaposte og dominanteng desisyon.

Gipasabot ni Inoue nga delikado nga makigsagol og maayo kang Donaire gumikan kay nasayod siyang usa sab kini ka lehitimong knockout puncher.

Matod ni Inoue nga maayo ang dagan sa iyang training diin lakip sa iyang sparring partners mao ang dekalidad nga Filipino fighters nga sila si Albert Pagara (32-1, 23KOs) ug Genesis Servania (33-2, 16KOs). (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph