NAHILAKIP ang duha ka mga Sugbuanon sa mga atleta nga gisuportahan sa Go For Gold Philippines ug Philippine Charity Sweepstakes Office alang sa umaabot nga 30th Southeast Asian Games.
Gipangtumbok mao sila si Asian Games skateboard Margielyn Didal ug multi-titled triathlete Kim Remolino.
Ang ubang naa sa listahan mao sila si triathlete Nikko Huelgas, cyclists Daniel Ven Carino ug Ismael Grospe Jr, ug International Master Marvin Miciano sa chess.
“These are multi-medalists already in their respective sports,” matod ni Go For Gold godfather Jeremy Go atol sa presentasyon sa mga atleta nga napatik sa Spin.ph.
Ang nahisgutang mga atleta gilaumang makabira og 20 ka gold medals sa kompetisyon nga ipahigayon sa Pilipinas sugod sa Nobiyembre 30. (ESL)