SUPERBALITA CAGAYAN DE ORO

Kagawad sikop sa PDEA

TIKLO ang usa ka barangay kagawad human nakuhaan og gituohang shabu atol sa gipahigayong pagpangronda sa tinugyanan sa Philippine Drug Enforcement Agency (PDEA)-Northern Mindanao niadtong adlaw nga Biyernes, Oktubre 18, sa Barangay Iponan, dakbayan sa Cagayan de Oro.

Sikop si Kagawad Redem Dablio, 55, ulitawo, residente sa maong dapit ug aktibong Kagawad sa maong barangay.

Sa impormasiyon nga nahipos gikan sa tinugyanan sa PDEA-Northern Mindanao, nasayran nga anaa sa 11 ka pakete sa gitoohang shabu ang nakumpiska nga anaa sa mga unom ka gramo.

Dunay gibanabanang kantidad nga anaa usab sa P40,800.

Samtang sa pahayag ni director Wilkins Villanueva sa PDEA-Northern Mindanao, nakita sa katawhan sa maong dapit si Redeem nga maayong tawo. Apan, ang paggamit sa ilegal nga druga, paghimong drug den sa panimalay niini, pag-finance ug pagproteher sa mga indibidwal nga naadik sa maong butang mao ang pinakadakong sayop nga nahimo niini. Dili lang sa gobyerno, apan lakip na sa katawhan nga nibotar kaniya.

“Using dangerous drugs, using his house as drug den, financing, and protecting people who proliferate dangerous drugs in his barangay is the worst offense that he can do, not only against the government but to the very people who elected him. Let us not politicise this particular operation. WALANG PULITIKA SA DROGA!” matud sa post niini.

Gipanghimakak usab ni Dablio nga iyaha ang maong ubay-ubay ka mga pakete sa shabu nga nakuha sulod sa iyang panimalay ug gipamugos nga gitamnan sa mga otoridad.

Gipasaka na ang tukmang kaso batok sa maong kagawad.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph