SUPERBALITA CEBU

P5M balor sa amphitheater sa Consolacion nahuman na

DILI na maproblema ang mga pampublikong tunghaan sa lungsod sa Consolacion sa venue alang sa mga aktibidades sa ilang mga tinun-an.

Kini human nga hingpit na nga gisubhan kagahapon, Oktubre 21, state-of-the-art Amphitheatre sa lungsod.

Ang naasoyng Ampitheatre mao lugar alang sa mga kalihukan sa mga tunghaan ug uban pang ahensya sa gobiyerno nga mogamit niini.

Mao kini ang labing una sa Sugbo nga gigahinan sa lungsod ug moabot sa P5 milyunes.

Napanglantawan nga makaspasulod ang naasoyng Amphitheatre ug moabot sa 225 ka mga tawo.

Matod ni Consolacion Mayor Joannes “Joyjoy” Alegado nga moabot sa 5 ka buwan ang pagtrabaho sa naasoyng Amphitheatre hilabi na nga gikan pa sa nasod sa Singapore ang mga ekipo nga gimontar niini sama sa lingkoranan, modernong speaker ug audio-visual equipment.

Giklaro sa mayor nga walay bayad ang si binsa kinsa mga mogamit sa ilang Amphitheatre basta ahenysa lang sa gobyerno ang mohangyo ngadto kaniya.

Kun ugaling non-government organization (NGO) aduna lang silay gamay nga bayranan alang sa maintenance.

“Para ni sa tanan this is for free bisag unsa nga event kana lang tingale di maggamit ug live animals o kayo ba kaha any event nga makatabang sa eskwelahan libre ra ni,” matod ni Alegado.

Pahimangno lang ni Alegado sa mga mogamit sa Amphitheatre sa pagsunod lang sa kapasidad niini aron kalikayan nga kini ma-overcrowded. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph