SUPERBALITA CEBU

Board sa MCWD misalikway na sa tanyag sa Aboitiz

GI-TERMINATE na sa board of directors (BOD) sa Metropolitan Cebu Water District ang unsolicited proposal sa consortium sa Aboitiz company ug Metro Pacific Investment Corp. (MPIC) nga maoy gihatagan og original proponent status para maoy mobutang og planta sa Ldakbayan sa Lapu-Lapu para sa desalination.

Si MCWD general manager Jose Eugenio Singson Jr., nitug-an nga giundang sa BOD ang unsolicited proposal atol sa ilang uwahing board meeting, duha na ka semana ang nakalabay diin wala pa putla ni Mayor Edgardo Labella ang ilang serbisyo isip BOD sa MCWD.

“Gi-declared nga terminated kay wala nagkasabot, so wala nay proposal kay naa may failure sa negotiation,” padayag ni Singson kinsa wala na nilitaniya sa mga detalye kon nganong napakyas ang sabotsabot.

Ang consortium gikatakda unta nga mo-deliver og 100,000 cubic meter per day nga tubig mainom gikan sa dagat sa Mactan nga adunay giingong presyo nga moabot sa P89 per cubic meter nga wala nauyoni ni Labella gumikan sa kamahal.

Si Singson niingon nga posible sugod karong adlawa, manawat na ang MCWD og solicited proposal para sila na ang magbuot sa terms of reference ug dili na mag-agad sa service provider.

“They are planning to solicit proposals para sa desalination sa Mactan but wala pa say directive ang board maybe tomorrow but I don’t know. Dili na unsolicited, solicited na para maka-dictate ta sa terms of reference ug kita nay magbuot asa dapit ipa-inject, etc.,” dugang ni Singson.

Samtang, si Labella niingon nga motutok siya sa unang upat ka kwalipikasyon sa BOD nga maoy iyang sunod itudlo hulip sa 5 kansang serbisyo iyang giunang niadtong Oktubre 15.

Matod sa mayor nga kinahanglan nga adunay managerial skills, igong kahibawo sa water technology, adunay kasingkasing ug integridad sa pagserbisyo ngadto sa publiko.

Si Labella niingon nga wala siyay mga pangalan nga nahunahunaan ug modawat siya og mga aplikante para sa mahimong BOD gikan sa ubang mga local government unit (LGU) diin niabot ang serbisyo sa MCWD apan iyang gibutyag nga ang iyang desisyon isip mayor ug ang gahom nga nalatid sa PD 198 maoy iyang ipatuman.

Gi-terminate ni Labella ang serbisyo nilang BOD Chairman Joel Mari Yu ug upat ka mga kauban gumikan sa ilang kapakyas pagsulbad sa problema sa tubig sa Metro Cebu diin ang Talisay City, Mandaue, Cordova, Consolacion, Liloan, Compostela ug ang Kapitolyo nipalabang og resolusyon nga nadayag sa ilang pagkadismaya sa serbisyo sa tubig gikan sa MCWD sa miaging buwan. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph