SUPERBALITA CEBU

Nasunogan kinahanglan hawanan una: DSWS

WAY clearing, way housing materials alang sa mga pamilyang nasunogan sa Brgy. Sambag 1. Ang Cebu City Government naghuwat lang nga ang dapit nga nasunogan sa Barangay Sambag 1, Cebu City malimpyuhan sa di pa sila moa-pod-apod sa housing materials alang sa 50 ka apektadong mga pamilya.

Niadtong Sabado sa kaadlawon, Oktubre 19, usa ka sunog niugdaw sa 38 ka mga balay. Usa ka 14-anyos nga dalagita ang namatay.

Gituohan nga wa makadungog ang dalagita sa kalangas sa gawas kay natulog nga nag headset.

Ang Cebu City Fire Department nakadawat sa alarma mga alas 2:35 sa buntag, Sabado. Nakontrolar ang kayo mga alas 4:59 sa kaadlawon ug napawong mga alas 8:50 sa buntag.

Base sa imbestigasyon sa kabomberohan, ang sunog nagsugod sa balay ni Diano Flores.

Si Jeffrey Ibones, panguu sa Department of Social Welfare Services *DSWS), niseguro nga ang mga apektadong pamilya mahatagan sa housing materials sama sa kahoy ug atop.

Hatagan usab sila og mga pagkaon sud sa tulo ka mga adlaw samtang ang cash assistance ihatag human maaprobahan sa Siyudad ang resolusyon alang niini.

Mga tag-iya sa balay hatagan og tag P20,000 matag usa samtang ang nag-abang tag P10,000.

Sagad sa mga naapektuhan nag-abang sa dapit.

Ang Siyudad mohatag usab og P10,000 nga burial assistance alang sa pamilya sa 14-anyos.

Mga nasunogan naa temporaryong gipahimutang sa gym.

Lakip sa naapektuhan ang Cebu City Sports Center nga nakan-an sa kayo. (JJL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph