UPAT ka tawo, lakip na ang usa ka lola, ang nasikop sa kapulisan sa tulo ka managlahing operasyon sa dakbayan sa Sugbo kagabii, Oktubre 21, 2019.
Unang nasikop sa Drug Enforcement Unit sa Cebu City Police Office (CCPO) si Lucia Rivera, 62 anyos, ug mulupyo sa Sitio Back Blessed Sacrament, Barangay Tejero, ning siyudad.
Nasakmit gikan kang Rivera ang kapin sa P40,000 nga balor sa gidudahang shabu gikan sa iyang posesyon.
Samtang, tulo ang nadakpan sa buwag nga operation sila Mary Hary Jadormio, alyas Mak-Mak, human kini nakuhaan ug shabu sa usa ka buy-bust operation sa Barangay Kamputhaw, niining dakbayan.
nga nagkantidad og P208,000 ang balor sa nasakmit nga drogas.
Kauban ni Mak-Mak nga nadakpan ang iyang usa sa mga sinaligan nga si Shiela Mae Tuico, 26 anyos.
Nadakpan usab ang laing drug personality nga gi ila nga si Hamsho Librado Paladero, nga nasakmitan sa 78 mil pesos nga balor sa shabu.
Si Paladero ang gidakop gihapon didto sa Barangay Kamputhaw pila ka oras ang milabay nga nadakpan si Jadormio ug Tuico.(Superbalita Cebu)