NAGPADAYON sa light training paghiabot sa US ni IBF Super Flyweight World Champion “Pretty Boy” Jerwin Juntilla Ancajas aron mas kondisyon kini atol sa engkwentro nila ni Méxican challenger Jonathan “Titan” Rodriguez karong Nob. 2, 2019 sa Dignity Health Sports Park sa Carson, California.
“Palagi aabot ng 12 rounds ang plano namin pero pag may pagkakataon or opening kunin po ni Jerwin (Ancajas) ang KO win” mapahiubsanon nga pamahayag ni coach Joven Jimenez, ang trainer/manager ni Ancajas, sa Superbalita Cebu.
Ang Bisaya nga talented boxer ug sakop sa Manny Pacquiao (MP) Promotions nga si Ancajas gikan sa Banana Capital of the Philippines ang Panabo City, Davao del Norte adunay record nga 31-1-2, 21KO ug sa ika-8 nga higayon depensaan iyang titulo batok ni San Luis Potosí, Mexico’s pride Rodriguez nga naay record nga 21-1, 15 KO.
Samtang Fall Season na sa US, atol ning pagsulat 66 degrees Fahrenheit (18.8 degrees Celsius) ang temperature sa Carson City, California diin anaa nagpuyo ang Team Ancajas human naabot sa miaging adlaw gikan sa Pilipinas apan wala makaapekto ang katugnaw kang Ancajas.
“Tama lang ang lamig, yes po maganda ang condition ni Jerwin pagdating dito sa Amerika, diri lang mi nag training sa gipuy-an namo at walang problema sa timbang” panapos ni Jimenez kinsa ang amahan niini gikan sa Badian, Cebu apan mibalhin sa Barangay Lourdes, Dangcagan, Bukidnon Province.
Ang tickets sa Ancajas-Rodriguez fight mapalit sa $30 ang pinaka barato apan $155 ang pinaka mahal nga mapalit sa Box Office sa fight venue.
Ang Ancajas vs Rodriguez usa sa co-main event sa away nila ni World champion Miguel Berchelt batok ni challenger Jason Sosa alang sa WBC Super Featherweight title nga gidalit sa Top Rank inabagan sa Peltz ug Zanfer Promotions nga isalida sa ESPN. (Daniel Quindao Guden, US Correspondent)