ANG taga-Davao City nga si Ronnie Urdaneta ug Angelica Acedo milangkat sa men's and ladies’ titles sa bag-uhay pa lamang nahuman nga 2nd RPG Mountainbike XC Challenge sa Mawab, Compostela Valley.
Si Acedo sa Patriota Davao City team, nga nagpuyo sa Juan Luna Extension, nagkanayon nga pamilyar kaniya ang 30-kilometer course apan wa siya magdahum nga modominar sa ladies event.
"Medyo familiar po, ma’am. Kay dati, nagpadula sila didto japon sa rota dati. Pero, gibaliktad lang nila din naay nawala na dalan tapos naay na dagdag," suma sa 21-anyos sa pakighinabi sa SunStar Davao via Facebook.
Dugang niya nga ang pagka-pamilya sa dapit nakatabang aron siya modaug.
Dugang ni Acedo nga nalabwan niya ang laing Dabawenya Liza Abellana.
"Wala po ako nag-expect na modaug pero naningkamot ko para makuha nako usab ang championship. Nakuha jud nako kay naningkamot ko na modaug."