MATI CITY -- Mga maanindot nga produkto sa tribung Mandaya sa dapit ang bida sa “Kamunaan: A Mandaya Cultural Exhibit and Souvenir Shop” nga gimugna sa dakbayan sa dapit katambayayong ang Lungga Mangmang Agong Center Inc.
Ang presentasyon sa maanindot nga kultura sa Mandaya kabahin sa Sambuokan Festival 2019. Nagbukas ang exhibit niadtong Lunes, Oktubre 21.
Ang pagbukas niinig gitambungan mismo ni Mayor Michelle Nakpil Rabat, City Administrators ug Founder sa Lungga Mangmang Agong Center Inc. abogado Alejandro Aquino, abogado Kareen Silver Marzan-Manluyang sa City Legal Office, Dashiel Indelible, Jr. sa City Tourism Office, ug uban pang mga opisyales sa siyudad.
Ang mayor maoy miputol sa ribbon isip timailhan sa pagsugod sa exhibit.
“The purpose of the exhibit is to promote the Mandaya culture and be a part of Sambuokan Festival. Mandaya is a dominant tribe of Mati City and people must be informed how beautiful the Mandaya culture is through the exhibit,” suma ni Aquino.
Gidayeg sab sa mayor ang mga tawong nagpaluyo sa aktibidad, ug gidasig ang tanan nga silipon ang kultura sa Mandaya pinaagi sa exhibit.
Makita sa exhibit ang literature, musika, musical instruments, ug uban pa.
Ang kamunaan gikan sa pung Mandaya nga “muna” nga nagpasabot og “ancestors”.
Ang Lunnga Mangmang Agong Center Inc. usa ka non-government organization sa Indigenous People Professionals sa Mati nga gitukod ni abogado Alejandro Aquino nga mitabang aron maihimong posible ang aktibidad.
Ang “Kamunaan: A Mandaya Cultural Exhibit and Souvenir Shop” molungtad hangtud Oktubre 31 sa 2nd Floor, Annex Building, City Hall Compound, sa Mati. (PR)