SUPERBALITA CAGAYAN DE ORO

Kapin 100 ka tuig nga imahe gisiguro og luwas atol sa sunog

CAGAYAN DE ORO. Walay laing nabitbit ang magtiayong Carlito ug Badigunda Bajso gawas sa kapin usa ka gatos ka tuig na nga imahe sa Mother of Perpetual Help atol sa sunog sa Barangay Nazareth ning siyudad sa Cagayan de Oro niadtong Lunes sa hapon. (Kris C. Sialana)

WALA’Y laing nadala ang usa ka 71 anyos nga lalaki gawas sa imahe sa Mother of Perpetual Help nga kapin usa ka gatos na ka tuig atol sa sunog sa 12-28th Street, Upper Nazareth, dakbayan sa Cagayan de Oro.

Gibutyag ni Carlito Bajao, ug sa asawa nga si Badigunda, 66, nga dako og importansya kanila ang maong imahe.

Sa pakighinabi kang Bajao, gikabutyag niini nga lakip sa iyang nadala ang nalumping nga telebisyon.

“Kani gyud akong gisiguro, karaan na ni kaayo kabilin pa ni sa akong mga ginikanan gikan pa sa Camiguin wala pa ko natawo ani,” matud ni Bajao.

Nasayran nga nitabang pa kini sa pagsulay sa pagpakgang sa kalayo apan wala na nila natabang hinungdan nga gidali nalang sa pagbitbit ang maong imahe samtang ang Sto. Niño ang wala madala gumikan kay nakahikot kini.

Nagpasalamaton nalang usab ang magtiayon nga bisan nawad-an na sa panimalay luwas ra sila ug walay nakalas nga kinabuhi atol sa maong sunog.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph