WALA ray 24 oras nasikop sa awtoridad ang suspetsado pagpanglugos sa 6 anyos niadtong alas 8:30 sa gabii, Oktubre 20 sa Barangay 19, dakbayan sa Gingoog, Misamis Oriental.
Ang dinakpan giilang si Freddie Barbon, 28, minyo, residente sa Barangay Malinao, susamang siyudad.
Gibutyag ni Police Lieutenant Colonel Ariel Phillip Pontillas, hepe sa Gingoog City Police Station, nga lango sa ilimnong makahubog si Barbon dihang iyang nalabyan ang 6 anyos nga batang babaye.
Gidala kini niya sa kasagbutan nga bahin ug didto gihimo ang pagpanglugos.
Human nilampos sa iyang tinguha misibat ang suspek samtang ang bata nagpatabang sab sa kapolisan ug dinhi deretsong gilusad ang operasyon.
Nagtingkagol sa prisuhan ang suspetsado karong panahona.
Samtang susamang adlaw arestado sab sa Gingoog Police Station ang most wanted person sa provincial level.
Giila nga mao si Junel C. Ilagan, 36, taga Indalong, Barangay Bal-Ason susamang siyudad.
Gisilbi sa mga operatiba ang warrant of arrest niini sa kasong rape kung asa walay bailbond nga girekomendar ang korte ug laing second form of rape nga kaso nga dunay girekomendar nga kasong P120,000.