Talisay mangayog dugang pulis sa CPPO

NANGANDAM na ang Talisay City Police Station alang sa pagsiguro sa kahapsay ug kalinaw sa paghandum sa Adlaw sa mga Santos ug Kalag sa sunod semana.

Usa na niini ang pagpangayo og dugang pwersa sa mga police personnel alang sa Talisay City Police Station.

Martes sa buntag, Oktubre 22, atol sa ilang session niduso og resolution si Konsehal Gail Restauro aron pagpadangat sa hangyo ngadto sa director sa Cebu Provincial Police Office.

Mas nakulangan sa police personnel angTalisay human nga pipila kanila lakip sa nabalhin og assignment sa kauluhan sa miaging semana.

Hinuon gitataw sa hepe sa Talisay Police, Major Gerard Ace Pelare, nga anaa man nuon ang tabang sa force multipliers, sama sa mga tanod sa kabarangayan ug uban pa.

Nakig-alayon na usab sila sa mga simbahan ug mga sam-ang sa Dakbayan sa Talisay.

Lakip sa gi-monitor sa mga pulis ang mga lugar nga dagsaan sa daghang tawo sama sa malls.

Nipasadaan na ang kapulisan sa publiko nga magbantay sa ilang mga gamit.

Di usab angay nga ang tanang tagbalay maghurot sa pagpanglakaw. (FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph