GIPUTOL ni Presidente Rodrigo Duterte ang iyang tulo ka adlaw nga biyahe sa Japan tungod sa “di maagwanta” nga kasakit sa likod bunga sa gamay nga aksidente sa motorsiklo, pahibawo sa Malacañang sa Martes, Oktubre 22.
Gikompirmar usab kini sa Presidente sa iyang pagpamulong sa usa ka Facebook live ni Senador Bong Go.
Si Presidential Spokesperson Salvador Panelo niingon nga ang Presidente, 74, nag-antos sa kasakit sa iyang spinal column duol sa pelvic bone.
Apan iyang gipaneguro nga di angay nga kabalak-an ug nga si Duterte makaalagad gihapon sa nasod bisan sa iyang kondisyon.
“While this was unforseeable, the public can rest assured that there is nothing to worry as regards the physical health and condition of the President as he gives serious priority thereto in actively serving our country,” nagkanayon si Panelo.
Gitakdang mouli sa nasod kagabii, Martes, si Duterte ug makigkita sa iyang neurologist karong adlawa, Miyerkules, Oktubre 23, 2019.
Gitakda untang mopuyo ang Presidente sa Tokyo sulod sa tulo ka adlaw hangtod sa Miyerkules.
“The Palace announces that the President will cut short his trip to Japan due to unbearable pain in his spinal column near the pelvic bone as a consequence of his fall during his motorcycle ride last Thursday, October 17,” matod ni Panelo sa usa ka pamahayag.
Si Duterte nagsungkod sa iyang pagtambong sa seremonyas sa paglingkod sa truno ni Emperor Naruhito sa Imperial Palace sa Tokyo sa Martes sa hapon.
Matod ni Panelo nga di motambong ang Presidente sa bangkete nga gidalit sa Emperor sa Martes sa gabii.
“The Chief Executive will thus have to miss the Emperor’s banquet this evening at the Imperial Palace and has requested Mayor Sara Duterte to represent him and attend on his behalf,” siya niingon.
Sa Facebook live, giangkon ni Duterte nga gisakitan siya og maayo sa hawak.
“Magandang gabi po sa inyo, mga kababayan ko, mga Pilipino. Alam mo, about four days ago, sumemplang ako sa motor. ’Pag nagmo-motor ka once or twice sa buhay mo, makatikim ka talaga ng semplang,” matod sa Presidente.
Matod niya nga di niya maagwanta ang kasakit sa may hawakan. “Lahat ng mga nagmo-motor, sumesemplang. Kagaya sa akin, ang ano lang, parang hindi ko matiis. ‘Yung sa belt banda, mga three inches, medyo masakit,” dugang niya.
Ang pagkatumba ni Duterte sa motorsiklo niadtong Oktubre 15 sulod sa compound sa Presidential Security Group (PSG). (SunStar Philippines)