Mga nasakmit nga drugas angay i-dispose dayon: Gwen

BUOT mahibaw-an ni Gobernador Gwendolyn Garcia kon unsay laing pamaagi nga mas madali na ang pag-dispose sa mga nasakmit nga drugas sa kapulisan.

Kini aron malikayan ang pag-recycle sa mga illegal drugs ingon man ang tentasyon nga gamiton o ba kaha ipamaligya unya kini sa mga pulis.

Matod ni Garcia nga sa iyang nahibaw-an nga kinahanglan sulod sa 48 ka oras ma-turnover na sa kapulisan ang ebedensiya sa Crime Laboratory o ba kaha sa Philippine Drug Enforcement Agency.

“The importance here is the speed of when this drugs be disposed. The longer it stays the possibility of temptation arises so mas maayo nang pagka-seized, with the courts agreement ma-dispose dayon,” matod ni Garcia.

Dugang niya nga buot usab niyang mahibaw kon duna ba kini igon mga ekipo nga gamiton sa pag dispose sa mga drugs.

“We would like to know if there are precautionary measures, proper equipment to store, naa bay volt ma safe keep ba ni, all of these should be traced out,” dugang ni Garcia.

Hinuon matod sa Gobernador nga walay ninja cops o ba kaha mga pulis nga gikataho nga gikan sa probinsya sa Sugbo. Iyang pagpakigkitaan pag-usab ang mga executive judges ingon man mga kapulisan.

Samtang, human mahitabo ang tulis sulod sa JCentre Mall niadtong Sabado sa Oktubre 19, 2019, gipadayag ni Garcia nga kinahanglan nga pahugtan gyud sa mga malls ang ilang seguridad, probinsya man o sa syudad sa Sugbo.

Dugang niya nga gikinahanglan nga i-review usab sa mga mall owners ang background ug kapasidad sa mga security guards.

“Our immediate concern is the security measures that not only malls institute. In fact the security measures of that particular mall needs review because their guards were unarmed perhaphs they were like siting ducks,” niya pa.

Lakip usab sa patutukan ni Garcia sa Cebu Provincial Police Office mao ang mga pantalan, terminals ug paluparan.

Gidayeg hinuon niya si Police Colonel Roderick Mariano, hepe sa Cebu Provincial Police Office, sa paspas nga pagkasikop sa mga suspetsado. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph