WALA magpadala sa tentasyon sa online series, salida ug sa internet ang Top 2 sa labing uwahi nga resulta sa Certified Public Accountant Licensure Examination nga si Marlou Borbon Alinsonorin.
Ang 22-anyos nga lumad sa dakbayan sa Naga, habagatang Sugbo, wala gani magdahom nga makapasar sa maong exam.
Sa 14,492 ka mga nikuha sa maong exam, anaa lang sa 2,075 ang nakapasar niini.
“The results totally left me flabbergasted. It still feels so surreal. I was so sure that I am not going to top the CPALE. In fact, I was not even confident that I was gonna pass the exams. Despite all my doubts and frustrations, God really made a way. It was all Him,” matod ni Alinsonorin.
Gibutyag hinuon niini nga damgo na gyud niya ang mahimong CPA.
Siya ang labing una nga CPA sa pamilya.
“Dream gyud na ko ang ma-CPA. Actually, pag 4th year highschool naglibog ko between Civil Engineering and Accountancy. Since more on office work akong preferred man ang CPA, as opposed to Civil Engineers nga mostly sa field, gi-choose na lang nako Accountancy,” si Alinsonorin nagkanayon.
Siya ang kamaguwangan sa tulo nila ka mga managsuon. Ang iyang amahan usa ka Mechanical Engineer samtang ang iyahang mama usa ka housewife.
Usa siya sa mga tinun-an sa University of San Carlos nga nakatung-tong sa top 10 sa CPALE. Uban niini sila si Kirk Saromines sa 4th place ug si Samantha Mae Mendoza sa 8th place.
“Permi gyud ko distracted during the review. Distracted ko sa mga movies/series na ako ginatan-aw. Distracted pud ko sa internet. Unya most of the time kay ma-frustrate gyud ko kay makalimot ko sa ako mga gitun-an,” butyag pa ni Alinsonorin.
Tambag niini sa mga aspiring CPA students nga dili ihikaw ang lawas sa pahuway.
“I don’t know if best ni pero normal lang like I read and understand what I’m reading gyud. Then, if gikapoy ko kay mag-rest gyud ko. Dili ko palabi og tuon. Crucial ang rest sa pagprepare sa Board exams.”
“Read and understand everything lang gyud. Take to heart gyud tanan nimo gitun-an. Dapat imo mindset kay tanan nimo ginabasa kay pang-longterm siya, hangtod na siya sa board exam,” dugang niyang saysay.
Si Saromines sa iyang bahin. nagkurog sa iyang kalipay dihang mahibawo sa resulta sa exam.
“Pagkahibaw nako nga nasulod ko sa Top 10, nagkurog ko sa kalipay, kanang gigakos nako akong mama. Wala ko katuo, murag damgo ra gani ni tanan.”
Gihalad usab niini ang iyahang naabot sa iyahang inahan nga maoy rason nga nag-CPA kini.
“There will be times that you doubt yourself and that’s okay. It’s okay to be unsure sometimes because that uncertainty could drive you to work harder to achieve your goals,” pasabot ni Mendoza. (HBL)