SUPERBALITA CEBU

86-anyos nga lola ‘giungo?’

WA NAY panit ug unod ang siko hangtod na sa mga kamot sa 86 anyos nga babaye nga nakaplagang patay sulod sa iyang payag sa bukirang barangay sa lungsod sa Santander.

Matod sa kapulisan sa lungsod nga estorya sa mga tawo sa dapit nga giungo ang biktima, apan nagtuo sila nga mananap ang nikitkit sa tiguwang.

Ang biktima giila sa kapulisan nga si Maria Abrahama Miras, biyuda, nag-inusarang nagpuyo sa iyang payag sa Barangay Candamyang.

Matod ni Police Master Sergeant Anthony Aba sa Santander Police Station sa Superbalita Cebu nga nadawat sa ilang police station ang alarma alas 5:30 Martes sa hapon, Oktubre 22, nga adunay napalgang patay sa barangay. Nadiskobrehan kini sa apo uban sa iyang hinigugma sa dihang gihatdan unta og panihapon nianang pagka alas 4 sa hapon.

Gipahibawo dayon sa apo ang iyang iyaan nga si Nissa Catipay labot sa hitabo. Si Catipay mao usab ang nanawag sa barangay hall.

Dali nga niresponde ang mga pulis sa dapit ug ilang naabtan ang biktima nga nabuwasot sa sawog.

Ang mga tiil nabuwasot sa bangag sa sawog nga kawayan samtang ang mga kamot ninglusot usab sa sawog.

Gihulagway nila nga bukog nalang ang makita gikan sa siko paingon sa iyang mga tudlo.

Unang pagduda sa mga silingan nga giungo si Miras tungod sa pagkawagtang na sa unod sa mga bukton niini nga daw sa gikaon.

“Maoy estorya sa mga tawo didto nga giungo lagi daw. Pero tabi-tabi rana na sa mga tawo didto sa ilaha nga ungo daw ang nag himo sa lola,” dugang ni Aba.

Apan ang findings ni Doctor Almie Juljani nga loss of blood ang gikamatyan ni Miras tungod sa mga samad ug wa dayon mamatikdi human mabuwasot sa bangag sa sawog.

Way nakita nga samad sa sa ubang bahin sa lawas ang kapulisan gawas sa duha ka mga siko nga wa nay unod.

Sigun sa mga silingan sa lugar nga nag inusara nalang si Miras sa balay human namatay ang iyang bana.

Ang mga anak na ang nag atiman niini nga aduna na usab tagsa-tagsa ka mga pamilya.

Matod ni Aba nga matag adlaw hatdan kinig pagkaon.

Duda sa mga pulis nga pagkabuwasot niini sa sawog, nakuyapan si Miras.

Mananap ra usab ang nipaak ug nikitkit niini tungod kay nabitay naman kini sa sawog.

Ang Santander police station way nakitang foul play sa kamatayon sa biktima.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph