SUPERBALITA CEBU

Talisay andam batok sa tulis

MAS gipalig-on pa nga komunikasyon tali sa mga negusyante, kagamhanan sa Siyudad sa Talisay ug kapulisan gibuhat karon aron kapugngan ang mga tulis o bisan unsang kriminalidad.

Kini maoy gipasabot ni Mayor Gerald Anthony “Samsam” Gullas Jr. ngadto sa kadagkuan sa mga establishemento, sama sa mga bangko, mall, pawnshop, gasoline station ug uban pa nga naa sa dakbayan.

Samtang himuon na nga regular ang panagtigum sa kapulisan, lokal ng kagamhanan mga tag-iya, manager ug security heads sa mga negusyo.

Himuon kini aron mapahinumduman o ma-introduce kanila ang nagkadaiya nga mga modus sa kremin, aron mapakgang ug di makabiktima pa sa bisan asa nga mga establisemento sa dakbayan.

Niadtong Martes sa hapon, Oktubre 22, gipakigtagbuan nila ni Gullas ug Talisay City Police station chief, Police Major Gerard Ace Pelare, ang di momenus 50 ka mga manager ug security heads sa mga establisemento kalabot sa seguridad.

Gituki ang preventive ug precautionary measures aron di mahitabo kanila ang susama sa J Centre Mall sa Dakbayan sa Mandaue, niadtong Sabado, Oktubre 19.

Matod ni Pelare nga isip tabang, di lang pag-roving ang himuon sa mga pulis, kundi, moduol sila sa mga security guard sa mga establisemento pagpahinumdom, matag karon ug unya.

Giawhag usab ang mga negusyante nga mo-invest sa seguridad, sama sa tanang security guard, armasan, ug i-train na gyud kalabot sa pagbantay sa establisemento ug uban pang security measures.

Iyang tambag nga mas mas maayo nga duha ngadto sa tulo ka security guard alang sa mga bangko, pawnshop ug gasoline station ang magbantay.

Angay nga mogana ang alarm system.

Gipahibalo usab ni Gullas nga gawas sa mga pulis, mamahimo usab sila mosangpit sa mga sakop sa City of Talisay-Traffic Operation Development Authority (CT-TODA) nga naa sa kadalanan kay dali ra sila makasangpit og panabang sa kapulisan.

Ang mga local government unit (LGU) sa Metro Cebu nagabalaka sa seguridad sa mga balay patigayon human sa tulis sa J Centre Mall niadtong Oktubre 19, 2019.

Mokabat sa di mominos P130 milyunes nga balor sa mga alahas ug cash ang nasakiyo sa gibana-banang 13 ka gikatahapang mga tulisan.

Ang siyam sa grupo nadakpan, apan ang upat nga giingong nisuway sa pag-ilog og armas sa mga pulis gipusil patay.

Tungod sa nahitabo sa upat, ang Commission on Human Rights (CHR) naglusad og imbestigasyon.

Nailhan na hinuon sa kapulisan ang giingong lider sa grupo nga iladong usa sa mga haligi sa Kuratong Baleleng nga nagbase sa Mindanao.

Nakita siya sa CCTV footage sa mall ug sa dapit diin sila nanibat padung unta sa Masbate.

Ang Mandaue City ug CebuCity nakigtagbo sa ilang tagsa ka mga police official ug mga negusyante aron hisgutan ug sutaon ang seguridad.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph