MOKABAT ngadto sa P500,000 nga ganting salapi ang nakahan-ay sa dihang ipahigayon karong adlawa ang CBDH/Patty Boy 4 Stag Derby diha sa New Gallera de Mandaue sa barangay Tabok, Mandaue City.
Kini maoy gibutyag ni Edward “Wading” Monsanto, usa sa mga nagdumala sa nahisgutang Gallera.
Matod ni Monsanto nga ang maong derby nga adunay pot money nga P5,500 ubos sa promotion ni Champoy Brigoli ug Michael Dy.
Si Walter Hans Matuguina, ang pangabaga ni Monsanto, mibanabana nga kapin sa 50 ka mga entries ang ilang gipaabot nga mosalmot sa maong derby.
Iya usab gibutyag nga ugmang adlawa, laing 4-Stag derby ang ila na usab nga ipahigayon. Ning higayona, ubos na sa promotion sa Sugbo working committee. (JBM)