MANGASDANG ang Cebu-based nga mga boksidor nga sila si Tomjune Mangubat, Ponciano Rimandiman ug Esneth Domingo sa Vietnam karong Nobiyembre 3, 2019.
Si Mangubat, kinsa sakop sa Omega gym, makigbatok kang South Korean prospect Jon Seong Kang alang sa inilugay sa bakanteng World Boxing Organization (WBO) Youth Oriental featherweight crown.
Nagkanayon ang trainer ni Mangubat nga si Jinggoy Junco nga dili siya makapasalig nga modaog ang iyang batos pinaagi sa knockout ug igo lang iyang nanghinaot nga mapagawas sa iyang batos ang labing maayong away niini.
Si Mangubat adunay 11-1-1, 9KOs nga rekord samtang si Kang naghupot og 9-0-2, 6KOs nga baraha.
Sa iyang bahin, si Rimandiman makigkontra kang Vietnamese Van Thao Tran sa usa ka six-round bout.
Samtang si Dominggo, kinsa sakop sa ALA gym, makigkontra kang Vietnamese Minh Phat Sam sa laing n a rounder. (EKA, ESL)