SUPERBALITA DAVAO

Delos Reyes: Pope Francis ug climate change (Katapusan sa duha ka gula)

Yanong Pagsabot

SA PAGLINGKOD ni Jorge Mario Bergoglio nga Papa sa Roma hulip kang Pope John Paul II, iyang nakita ang suliran sa kinaiyahan ug naglaraw nga iyang hatagan og pagtagad ug kasulbaran ang problema.

Iyang gibisita ang mga pangulo sa ubang kanasuran aron agnihon ang ilang gobyerno nga moduyog sa iyang kampanya aron mahinloan ang kawanangan ug ang palibot sa kalibutan alang sa mosunod nga kaliwatan.

Naghinobra na ang carbon dioxide ug greenhouse sa kawanangan nga maoy mibara sa enerhiya gikan sa adlaw, hinungdan sa climate change.

Angayan lang matud ni Pope Francis nga papahulayon sab ang kinaiyahan. Gitawag niya kini nga usa ka Fundamental change in life kay nagalangkob sab kini sa espirituhanon nga aspeto ug sa panghunahuna sa tawo.

Sugyot ni Pope Francis nga ang pagpahulay sa adlaw nga Dominggo sa mga gimbuhaton sama sa pagpamalit ug pagpamaligya mahatagan og dekalidad nga panahon ang pamilya, ang Ginoo ug ang kinaiyahan.

Nagkinahanglan kini og hingpit nga pagkausab diha sa matag usa ug sa kinatibuk-an. Kung ang atong hunahuna magapus sa kultura sa komersyo magdala kini og kabalaka.

Apan ang igpapahulay nga gisugyot ni Pope Francis himuon sa adlaw nga Dominggo tungod mao kuno kini ang adlaw sa pagkabanhaw ni Cristo.

"On Sunday, our participation in the Eucharist has special importance. Sunday like the Jewish Sabbath is meant to be a day which our relationship with God, with ourselves with others and with the world," matud ni Pope Francis.

Kung magkahiusa ang mga nasud ug ipatuman ang pagpahulay sa adlaw nga Dominggo, usa kini ka dako nga katumanan alang sa mga nagasunod sa mga tagna sa Biblia labi na diha sa basahon sa Revelation (Pinadayag).

Ang pagpatuman niini maghimo sa mga Adventista nga kasumpaki sa gobyerno ugaling duna nay panagbangi tali sa adlaw nga Sabado ug sa adlaw nga Dominggo isip adlaw sa pahulay.

Hugot ang pagtuo sa mga Adventista nga ang pagpahulay sa adlaw nga Sabado subay sa sugo sa Ginoo apan ang adlaw nga Dominggo sugo ra sa tawo.

Duna bay kalabutan ang isyu sa kinaiyahan sa atong mga tinuohan?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph